მიმდინარე წლის 21 მაისს საქართველოს უნივერსიტეტის სამართლის სკოლისა და ქართული, გერმანული და საერთაშორისო სისხლის სამართლის ინსტიტუტის მოწვევით საქართველოს უნივერსიტეტს გერმანიიდან ეწვია ფრიდრიხ ნაუმანის ფონდის სტიპენდიანტთა დელეგაცია. ჩვენმა ინსტიტუტმა და საქართველოს უნივერსიტეტის სამართლის სკოლამ, ექსკლუზიურად უმასპინძლა დელეგაციას ფონდთან მრავალწლიანი თანამშრომლობის ფარგლებში. სამართლის სკოლის დირექტორი ანა ხურციძე და სისხლის სამართლის პროფესორი, ბაჩანა ჯიშკარიანი, მოხსენებებისა და დისკუსიის ფორმატით შეხვდნენ მოწვეულ სტუმრებს. მომხსენებლებმა ისაუბრეს ქართული განათლების სისტემასა და აქტუალურ პოლიტიკურ-სამართლებრივ საკითხებზე.